/p. 62/ lapis, alter est sursum, quia subsilit; quare et
duo erunt motores: iacens et repellens. Iacens
est mea dextra, repellens est aqua. At aqua non
movetur, quemadmodum ne terra quidem,
cum iacitur pila. Idem motus in terra pilae, qui
in aqua lapidi; prosilitio et resilitio. At resilitio
motus est, provenit autem a terra vel aqua,
quae conquiescunt. Quies igitur erit causa motus,
quod et situlae probat exemplum. Nam, tametsi
rotatione moveatur situla, non tamen
movetur aër ad ingressum, solidum enim
et integrum [situla] semper invenit tanquam eundem;
quare transitus tempus brevius est, quam tempus,
quod ad descensionem requiritur. Quare
nequit tunc aër in tam pusillo momento subire
in locum, unde aqua flueret; non oportet
igitur aërem moveri, ut situlam sequatur, semper
enim inveniet aërem situla, quocunque
circumrotabitur. Antevertit ergo mutatio loci
motum utriusque, tum aëris, tum aquae, quod,
si absque aëris motu situla movetur, quies videtur
esse causa motus. Quod alio exemplo
manifestum est: si enim inversus urceus super
tabula aequalis superficiei, ipse item oris maxime
aequalibus, aqua plenus tradatur, nihil exibit
aquae, nisi quantum adhaerebit superficiei,
nihilo – inquam – plus exibit aquae quam si non
moveatur, propterea quod recens semper locus
est quasi unus, quia non differt situ a priori,
quod si tunc movetur urceus et non aër, non
dubito asserere quietem esse motus causam.
Consecutio non negabitur a Platonicis, qui